معاك فلوس زائدة عن حاجتك ولن تضطر لاستخدامها في حدود سنة او سنتين..

إخواني الأعزاء... في موضوع البورصة تفرغ ولا عدم تفرغ... عشان نجاوب لازم نحدد هدف لكل حاجة في حياتنا.الأساس إن لو معاك فلوس زائدة عن حاجتك ولن تضطر لاستخدامها في حدود سنة او سنتين.. يكون الحل هو انك تحطهم في البنك... أو في صندوق استثمار وناس محترفين هيشغلوا الفلوس...لأو انك تشغلهم بنفسك في البورصة.بالنسبة للتفرغ...طيب انا لو معايا 100 الف... وعملت 5-6% في الشهر هيكون معايا 5000 جنيه اسحبهم اعيش بيهم... ويفضل ال100 الف زي ما هم... لكن لو خسرت وبقى معايا 95 الف.. هاسحب برضه 5000 اعيش بيهم.. وهيفضل 90 الف!!الضغط العصبي عليك لو محتاج الفلوس في المعيشة او سداد ديون هيخليك تبقى جوه السوق في جميع الأحوال على أمل المكسب لانك لو السوق كان سيئ لمدة 3 شهور وانت التزمت بالخروج هتسحب منهم 15 الف.. وده هيشكل ضغط نفسي رهيب فهتلاقي نفسك بتضارب على امل ... وتخسر اكتر...التنطيط بين الأسهم سببه متابعة الجلسة والجري ورا الأسهم او الخوف والطمع من حركات الميكرز...الميكرز عارفين إن لو حجم التداول مليار جنيه بيكون فيهم 80 مليون لناس بتشتري وتحتفظ... 600 مليون صناديق واجانب محترفين وميكرز وحوالي 100 مليون من ناس مضاربين محترفين...والباقي حوالي 220 مليون من ناس متلطعة قدام الشاشات . ومنتديات التوصيات....مضاربين يومين شغالين دخول وخروج... هما دول "القطيع".... وهما دول "وقود البورصة"...ومهما خسروا بيفضلوا في البورصة.... بأت إدمان عندهم.. ودول بأه هما هواة التوصيات المباشرة والجري ورا الأسهم.... لما بيحسوا إن الطبقة دي فلست خلاص...بيدخلوا ناس تانية عن طريق اكتتابات ورفع للسوق وإشاعات وبرامج تليفزيون... ويدخل جيل ورا جيل....الناس المحتفظه... زي كتير من اصدقائي... هما اللي كسبوا فعلا لما بيدخلوا صح... وبينام... ولا حتى شاشة ولا اي حاجة.. يمكن كل اسبوع يشوف الجرنان يعرف سهمه بكام... مثلا واحد صاحبى اشترى سهم ب80... من سنة ونص .. ونزل في الأزمة ل40... كل الناس بتصوت وهو ولا هنا... راح شاري نفس الكمية ب40. بقى متوسطة 60.. وناااام... النهاردة السهم ب95.... في سنة ونص عمل 52%.. ولا دفع عمولة ولا حرق دمه ولا يعرف الميتاستوك من الاساتوك... حد فينا عمل 50% على المحفظة في سنة ونص؟.. اتحدى!ماشي.... وجود فلوسك في البنك... هو اعلان منك عن ثقتك في إن فلوس البنك هي الضمان والأمان في بلد غير مستقر...حتى لو ادالك فايده 8% والتضخم 20%...وجود فلوسك مع صندوق استثمار... هو نوع من الثقة في اقتصاد البلد.. لكن اعتراف بانك لا تفهم في البورصة فبتأتمن محترفين لإدارة الأموال دي.فلوسك في البورصة كمحتفظ لمده سنة واكتر.. هو اعتراف منك بان تسعي لربح كبير.. لكن ثقتك في شركة او قطاع محدد انه اقل من قيمته او انه هيكون في المستقبل قطاع جبار.. زي اللي اشترى في موبينيل من 12 سنة ب10 و15 جنيه السهم... ونايم عليه ياخد كوبونات وقيمة السهم بتزيد.. لا يهمه ميكر ولا بطيخ ولا فاهم تجميع ولا تصريف ولا داو ولا فوتسي! ... هو واثق في الشركة او القطاع زي ما قلنا.. ودول تلاقيهم في الاتصالات - المطاحن - الأدوية - بنوك كبيرة... يعني 20 -25 سهم.دول الميكر مش بيعر ف يعملهم اي حاجة لانهم مش متابعين اساسا... ومش هيبيع بخسارة لما الدنيا تتطربق...وطبعا سعر سهمه تضاعف في ال3-4 سنين اللي فاتوا فاي بيع منه هيكون بمكسب اصلا...فلوسك في البورصة بمعرفتك هو اقرار منك بانك مؤهل وفاهم تماما في البورصة وانك تستطيع ان تتفوق على الميكرز والصناديق.. وتفرغك للبورصة هو إعلان حرب عليهم! . ببساطة لأن مكسبك هو من فلوس الميكر! وخسارتك بتتقسم بين الميكر والصناديق والمحتفظ طويل الأجل اللي سهمه بيطلع! للاسف الناس داخله حرب...معهاش مطوه والميكر معاه جيش جرار مسلح بكل الأسلحة الفتاكة وتحمية الطائرات والدبابات...ماشي .. اهلا وسهلا... اتفضل حارب....لو فاكر إن منتديات التوصيات المباشرة هتحميك... رد على سؤالي.. تفتكر مين اللي بيصرف فلوسه على عشرات المنتديات.؟. انت عارف تكلفة منتدى من دول من سيرفرات وصيانة ودعم فني وموظفين و"خبراء" يدلوك على الأسهم... توصل لكام؟اكيد هيكسبوك شوية عشان تطّلع اللي تحت البلاطة وبلاطة ولادك وساعتها وفجأه... تتقرقش ياجميل!!!.. مش مصدقني اكتب كده في بحث الياهو كلمة "منتدى بورصة" او "توصيات بورصة" بالعربي وشوف كام موقع موجود.!!!!... صباح الفل ياجماعة....90% من منتديات البورصات على مستوى العالم ممّولة من شركات سمسرة وميكرز.وفي مصر هدفهم هو "توجيه القطيع" لشراء اسهم معينة بقدر استطاعتهم للسطو على اكبر مبلغ من ال220 مليون جنيه يوميا!!! يوميا!!!؟؟؟ ايوه يوميا .. مبلغ جميل!القلة القليلة اللي ممكن تعلمك حاجة... والمنتدى ده من القلائل المحترمين ...اللي يقولك بدون توصيات... او بعيدا عن الأسهم...او يحاول يعلم الناس...فعلا..بس الناس بتزعل..بتستسهلوتسيب المنتدى.. احنا لسه هنتعلم... خش على الشيخ حنكورة وخلّص!...طبعا الميكرز والصناديق بتتلهف على وجود اجيال ورا اجيال من النوعية الأخيرة - المضاربين زي ما قلنا.... وواحد واصل جدا وحبيبي.. قال لي : "النسب معروفة تماما... ورقمك في البورصة مكشوف ياحلو...والمكيرز والصناديق فضلوا يكسبوا الناس لحد ما وصل المضاربين (لما كان التداول 2 مليار) كثروة مستثمرة في البورصةمن 80 ل90 مليار جنيه(فيه 2 مليون مواطن متسجلين في البورصة)... تمت سرقة 80% منها مع انهيار السوق... ومحدش ضرب حد على ايده... الأيام دي من مارس اللي فات جيل جديد دخل....الناس بأه المضاربين دول... 90% منهم بيفلس وبيخسر وبيخرج...و 9% بينسى اسهمه سنة... ويخرج متعادل او كسبان...و1% فقط هو اللي بيتعلم وبيفهم وبيضارب وبيكسب... وده كل ميكر عارف إن لازم هيكسب معاه واحد من دول... معلش...نستحمله ماهو زي الطفيليات والأميبا... لازم ياكل معانا... صعب اوي نخدعه.. خليه شوية طالما في حدود المقبول اللي ممكن نفوته" انتهى كلامه!معلش كلامي سخيف بس للأسف هي دي الحقيقة... ولن اعتذر عن الإطالة...