ذهبت النهارده بعد الجلسة القهوة اشوف الاحوال ايه لقيت الجماعة بتوع الكوم الاخضر ماسكين في الجماعة بتوع الدرب الاحمر والدنيا والعة نار - انا طبعا قصرت الشر وقلت ابعد عن الشر وأغني له وقعدت علي جنب مستني الشلة اياها اللي جت واتلمت حواليا اول ماشافتني
زكي ودن الفيل : ماشية معاك ياعم جالك واحد راكب عربية هامر يسأل عليك النهارده وترك لك الظرف ده - فيه فلوس ده يابسارية
بسارية الغلبان : انتوا حتنقوا فيها قبل ما تعرفوا الحكاية - دي دعوة من شلة الحيتان اصحابي اقضي يومين علي يختهم اللي قدام بورتومارينا
شكري قباحة : بأمارة ايه ياواد يابسارية - انت طول عمرك بسارية لارحت ولا جيت - لازم رايح تنقل لهم اسرارنا
بسارية الغلبان : اسرار ايه جاتكو نيله - دا خناقاتكم واصله لهم في بورتومارينا - وهم حافظينكم وعارفينكم من قديم الازل
صبري الحق نفسك : يعني انت علشان حطيت قرشين تحت البلاطة حتغير جلدك وتعمل رأسك برأسهم ياخاين ياعميل
بسارية العلبان : ما أنا لوكنت سبت لكم رأسي تلعبوا فيها كان زماني زيكم قاعد ملط انا لو عايز اكسب لازم افكر زي حوت مش بسارية عمركم شفتوا بسارية كسب جنيه وحاول يخرج بيه من البورصة الا وقالت له الحيتان العب تاني وخدوه منه وكل اللي في جيبه وقلعوه هدومه
زكي ودن الفيل : ماتروح ياواد يابسارية تعرف لنا ميتهم ايه وتيجي تقولنا علشان نعرف ناخد بثأرنا منهم
بسارية الغلبان : جاضر وأمري لله
رحت حجزت تذكرة في السوبرجيت في اي بي بخمسين جنيه وطلعت علي مارينا - وفشلت محاولاتي لاجتياز البوابة 5 بالرغم من الدعوة اللي معايا لآن الامن لم يهضم هيئتي فأضطريت للقفز من عند محطة البنزين لان سورها واطي واسرعت نحو بورتومارينا
بصراحة انا ما صدقتش نفسي دي حته من اوربا حاجة جميلة صحيح وعرفت ان اللي معاه فلوس في مصر اوربا تجيي لحد عنده مش لازم هو يروح لها - اتمشيت علي الرصيف اللي راسية عليه اليخوت فجالي احساس بالعظمة واتشجعت ودخلت سألت في مكتب خدمة العملاء هو اليوم هنا بكام ؟ قالوا لي 1750ج بس
مش حأطول عليكم لقيت يخت فخم طوله 20متر وعليه شلة حيتان من الدرجة الاولي الممتازة لمحت بينهم حوت البورصة اللي انا اعرفه بتاع مولد المنتجعات بثلاثين جنيه ومصرالجديدة بستمية وخمسين الله يمسيهم بالخير ويفك سجنهم شاور لي اطلع بسرعة
حوت المنتجعات : ازيك ياواد يابسارية وازاي البسارية اصحابك
بسارية الغلبان : بيدعولك ياباشا وبيسألوك حنرجع امتي تاني للاسعار دي
حوت المنتجعات : عايزنا نرجع زي زمان قول للزمان ارجع يازمان - انتم لسه فاكرين اوعوا تكونوا فاتكم اليكو بعشرين جنيه واوكازيون اسهم قعرالحلة
بسارية الغلبان : ازاي ياباشا نسيب فرصة نخسر فيها فلوسنا لسعادتك دا حتي تبقي قلة اصل احنا بتوعك ياباشا اعمل فينا زي ما أنت عايز
حوت المنتجعات : ايه الاخبار عندكو في القهوة اكيد صحابك ميتين في جلدهم ونازلين رمي في الاسهم عمال علي بطال
بسارية الغلبان : حرام عليكم ياباشا ده حتي الضرب في الميت حرام كفاية بقي
دخل في الحوار حوت اخر من بعيد لم اراه من قبل وقال
الحوت الآخر : انتم اصلكم بتحبوا لعبة الثلاث ورقات واحنا بنلعبها صح وما تعرفوش تشوفوا الصورة صح بتشوف النيجاتيف بتاعها الابيض اسود والاسود ابيض امال احنا حنكسب ازاي
بسارية : نيجاتيف ايه ياباشا الصورة سودا مافيهاش نفطة بيضا
الحوت الاخر : يابني ادم لما كان السوق 12الف مش كانت مجالس الادارة بيع علي ودنه وانتم تقولوا كمان دي الحكومة باعت حصص بمئات الملايين في الزيوت والمطاحن في السوق باضعاف اسعارها والاهلي لبس التأمينات حصص بالمليارات وأنتم نايمين في العسل
بسارية : صحيح ياباشا مفيش حد من الكبارات بتوع مجالس الادارة بيبيع دلوقت علي الاسعار دي ليه ؟ أنا شابف شراء بس
الحوت الاخر : قول لنفسك يافالح طيب اسأل نفسك كل الاكتتابات اتحشرت مع بعضها دلوقت ليه ؟ وكل من له توزيع مجاني جري يوزعه دلوقت ليه ؟
بسارية : دي بعض الاسعار ياباشا بقت في الارض اقل من الاسمي والدفتري والناس خايفة تشتري
الحوت الاخر : أسال نفسك ده وقت شراء ولا بيع
بسارية : ياباشا ماهي الاسعار ممكن تنزل تاني ونتدبس
الحوت : ايه النصاحة دي وكانت فين النصاحة لما اشتريتم بولفار بخمستاشر وجنوب بأربعين والنيل بخمسين والمصريين بمية وخمسين وشيني بمتين وثمانين والقاهرة للاسكان بخمسة وثلاثين والكابلات 3.7ج والزيوت بخمسة جنيه والمتحدة بستة وعشرين والحديد 68ج وطلعت 13.5ج والاتصالات بثلاثة وعشرين
بسارية : صحيح ياباشا الاسعار دلوقت بقت ثلث الاسعار دي واحنا خايفين وما رمش لنا جفن واحنا بنشتري النيل للاقطان بخمسين جنيه الا ايه لقوا بيربترول في مصنع اسكندرية وحيجيبوا سامح فهمي وزير البترول يمسك الشركة
الحوت : مش بقول لك انتم بتشوفوا الابيض اسود وبالعكس
بسارية الغلبان : انما اشمعني الاسهم دي ياباشا انتوا بتشتروا فيها ولا ايه
الحوت : بابني ادم دي امثلة ولو قعدت اكمل افضل للصبح اقول انما اللي بنشتري فيه لازم تعرفه من نفسك
بسارية : طيب ما تلمح لي ياباشا
الحوت : من غير تلميح شغل مخك احنا بنشتري الوقيع اللي له فرصة يطلع تاني لان المسافة طويلة بين سعره دلوقت وسعره اللي عنده التنفيذات المهولة اياها ايام العز ولو االسوق نزل مافيش فرصة ينزل تاني جامد عملا بمبدأ تأخد ايه الريح من البلاط
بسارية الغلبان : بس ياباشا المحللين بتوعنا مستنين اشارات دخول واحنا معاهم
الحوت : اذا كان عندكم محلل احنا عندنا عشرة واحنا بنفصلها تفصيل عمرك شفت دعم قال المحللين من حينكسر الا وكسرناه علشان نلم من تحته براحتنا وعمرك شفت مستهدف قال المحللين انه لن يتحقق الا وتخطيناه علشان نلبسكم السلطانية بالسعر اللي عاجبنا رغم انف المحللين
بسارية الغلبان : ياباشا احنا جبناء مش جاي لنا قلب ندفع قرش تعريفة الا لما نطمئن
الحوت : طيب طلعت مصطفي باع كام سهم علي 13.5ج ولو لم من السوق مئة مليون سهم علي 6ج ولا 5ج حيكلفوه كام ويبقي كسب اد ايه
بسارية الغلبان : ياباشا احنا سامعين تليكوم حيبقي بأثنين ونص وتعالي بص
الحوت : يابني ادم سيدالمعلمين قبض من اسهم الخزينة لوحده 8 مليار جنيه بسعر 83ج لو لم من التداول 5 ولا 10 مليون سهم حسبة نص مليار جنيه تعمل فرق مكسب اد ايه وتعمل ايه في السهم والمؤشر
تدخل حوت المنتجعات قائلا : ماتتعبش نفسك معاه ياباشا ده بسارية مش حيطمئن الا لما نرجع له النيل للاقطان بخمسين جنيه ونقوله لقينا بدل بيرالبترول اثنين والسهم بقي يسوي مئة جنيه ساعتها حيجي جري يلبس السلطانيه وهو مبسوط - اتفضل علي البوفيه الاستاكوزا والجمبري والسيمون فيميه يستاهلوا بقك
انا نزلت رجلي في الميه وقعدت افكر بعمق ادخل لما يلاقوا بيرين بترول بس ولا استني الثالث أضمن
انتهت بحمد الله.....شريف مرسي
زكي ودن الفيل : ماشية معاك ياعم جالك واحد راكب عربية هامر يسأل عليك النهارده وترك لك الظرف ده - فيه فلوس ده يابسارية
بسارية الغلبان : انتوا حتنقوا فيها قبل ما تعرفوا الحكاية - دي دعوة من شلة الحيتان اصحابي اقضي يومين علي يختهم اللي قدام بورتومارينا
شكري قباحة : بأمارة ايه ياواد يابسارية - انت طول عمرك بسارية لارحت ولا جيت - لازم رايح تنقل لهم اسرارنا
بسارية الغلبان : اسرار ايه جاتكو نيله - دا خناقاتكم واصله لهم في بورتومارينا - وهم حافظينكم وعارفينكم من قديم الازل
صبري الحق نفسك : يعني انت علشان حطيت قرشين تحت البلاطة حتغير جلدك وتعمل رأسك برأسهم ياخاين ياعميل
بسارية العلبان : ما أنا لوكنت سبت لكم رأسي تلعبوا فيها كان زماني زيكم قاعد ملط انا لو عايز اكسب لازم افكر زي حوت مش بسارية عمركم شفتوا بسارية كسب جنيه وحاول يخرج بيه من البورصة الا وقالت له الحيتان العب تاني وخدوه منه وكل اللي في جيبه وقلعوه هدومه
زكي ودن الفيل : ماتروح ياواد يابسارية تعرف لنا ميتهم ايه وتيجي تقولنا علشان نعرف ناخد بثأرنا منهم
بسارية الغلبان : جاضر وأمري لله
رحت حجزت تذكرة في السوبرجيت في اي بي بخمسين جنيه وطلعت علي مارينا - وفشلت محاولاتي لاجتياز البوابة 5 بالرغم من الدعوة اللي معايا لآن الامن لم يهضم هيئتي فأضطريت للقفز من عند محطة البنزين لان سورها واطي واسرعت نحو بورتومارينا
بصراحة انا ما صدقتش نفسي دي حته من اوربا حاجة جميلة صحيح وعرفت ان اللي معاه فلوس في مصر اوربا تجيي لحد عنده مش لازم هو يروح لها - اتمشيت علي الرصيف اللي راسية عليه اليخوت فجالي احساس بالعظمة واتشجعت ودخلت سألت في مكتب خدمة العملاء هو اليوم هنا بكام ؟ قالوا لي 1750ج بس
مش حأطول عليكم لقيت يخت فخم طوله 20متر وعليه شلة حيتان من الدرجة الاولي الممتازة لمحت بينهم حوت البورصة اللي انا اعرفه بتاع مولد المنتجعات بثلاثين جنيه ومصرالجديدة بستمية وخمسين الله يمسيهم بالخير ويفك سجنهم شاور لي اطلع بسرعة
حوت المنتجعات : ازيك ياواد يابسارية وازاي البسارية اصحابك
بسارية الغلبان : بيدعولك ياباشا وبيسألوك حنرجع امتي تاني للاسعار دي
حوت المنتجعات : عايزنا نرجع زي زمان قول للزمان ارجع يازمان - انتم لسه فاكرين اوعوا تكونوا فاتكم اليكو بعشرين جنيه واوكازيون اسهم قعرالحلة
بسارية الغلبان : ازاي ياباشا نسيب فرصة نخسر فيها فلوسنا لسعادتك دا حتي تبقي قلة اصل احنا بتوعك ياباشا اعمل فينا زي ما أنت عايز
حوت المنتجعات : ايه الاخبار عندكو في القهوة اكيد صحابك ميتين في جلدهم ونازلين رمي في الاسهم عمال علي بطال
بسارية الغلبان : حرام عليكم ياباشا ده حتي الضرب في الميت حرام كفاية بقي
دخل في الحوار حوت اخر من بعيد لم اراه من قبل وقال
الحوت الآخر : انتم اصلكم بتحبوا لعبة الثلاث ورقات واحنا بنلعبها صح وما تعرفوش تشوفوا الصورة صح بتشوف النيجاتيف بتاعها الابيض اسود والاسود ابيض امال احنا حنكسب ازاي
بسارية : نيجاتيف ايه ياباشا الصورة سودا مافيهاش نفطة بيضا
الحوت الاخر : يابني ادم لما كان السوق 12الف مش كانت مجالس الادارة بيع علي ودنه وانتم تقولوا كمان دي الحكومة باعت حصص بمئات الملايين في الزيوت والمطاحن في السوق باضعاف اسعارها والاهلي لبس التأمينات حصص بالمليارات وأنتم نايمين في العسل
بسارية : صحيح ياباشا مفيش حد من الكبارات بتوع مجالس الادارة بيبيع دلوقت علي الاسعار دي ليه ؟ أنا شابف شراء بس
الحوت الاخر : قول لنفسك يافالح طيب اسأل نفسك كل الاكتتابات اتحشرت مع بعضها دلوقت ليه ؟ وكل من له توزيع مجاني جري يوزعه دلوقت ليه ؟
بسارية : دي بعض الاسعار ياباشا بقت في الارض اقل من الاسمي والدفتري والناس خايفة تشتري
الحوت الاخر : أسال نفسك ده وقت شراء ولا بيع
بسارية : ياباشا ماهي الاسعار ممكن تنزل تاني ونتدبس
الحوت : ايه النصاحة دي وكانت فين النصاحة لما اشتريتم بولفار بخمستاشر وجنوب بأربعين والنيل بخمسين والمصريين بمية وخمسين وشيني بمتين وثمانين والقاهرة للاسكان بخمسة وثلاثين والكابلات 3.7ج والزيوت بخمسة جنيه والمتحدة بستة وعشرين والحديد 68ج وطلعت 13.5ج والاتصالات بثلاثة وعشرين
بسارية : صحيح ياباشا الاسعار دلوقت بقت ثلث الاسعار دي واحنا خايفين وما رمش لنا جفن واحنا بنشتري النيل للاقطان بخمسين جنيه الا ايه لقوا بيربترول في مصنع اسكندرية وحيجيبوا سامح فهمي وزير البترول يمسك الشركة
الحوت : مش بقول لك انتم بتشوفوا الابيض اسود وبالعكس
بسارية الغلبان : انما اشمعني الاسهم دي ياباشا انتوا بتشتروا فيها ولا ايه
الحوت : بابني ادم دي امثلة ولو قعدت اكمل افضل للصبح اقول انما اللي بنشتري فيه لازم تعرفه من نفسك
بسارية : طيب ما تلمح لي ياباشا
الحوت : من غير تلميح شغل مخك احنا بنشتري الوقيع اللي له فرصة يطلع تاني لان المسافة طويلة بين سعره دلوقت وسعره اللي عنده التنفيذات المهولة اياها ايام العز ولو االسوق نزل مافيش فرصة ينزل تاني جامد عملا بمبدأ تأخد ايه الريح من البلاط
بسارية الغلبان : بس ياباشا المحللين بتوعنا مستنين اشارات دخول واحنا معاهم
الحوت : اذا كان عندكم محلل احنا عندنا عشرة واحنا بنفصلها تفصيل عمرك شفت دعم قال المحللين من حينكسر الا وكسرناه علشان نلم من تحته براحتنا وعمرك شفت مستهدف قال المحللين انه لن يتحقق الا وتخطيناه علشان نلبسكم السلطانية بالسعر اللي عاجبنا رغم انف المحللين
بسارية الغلبان : ياباشا احنا جبناء مش جاي لنا قلب ندفع قرش تعريفة الا لما نطمئن
الحوت : طيب طلعت مصطفي باع كام سهم علي 13.5ج ولو لم من السوق مئة مليون سهم علي 6ج ولا 5ج حيكلفوه كام ويبقي كسب اد ايه
بسارية الغلبان : ياباشا احنا سامعين تليكوم حيبقي بأثنين ونص وتعالي بص
الحوت : يابني ادم سيدالمعلمين قبض من اسهم الخزينة لوحده 8 مليار جنيه بسعر 83ج لو لم من التداول 5 ولا 10 مليون سهم حسبة نص مليار جنيه تعمل فرق مكسب اد ايه وتعمل ايه في السهم والمؤشر
تدخل حوت المنتجعات قائلا : ماتتعبش نفسك معاه ياباشا ده بسارية مش حيطمئن الا لما نرجع له النيل للاقطان بخمسين جنيه ونقوله لقينا بدل بيرالبترول اثنين والسهم بقي يسوي مئة جنيه ساعتها حيجي جري يلبس السلطانيه وهو مبسوط - اتفضل علي البوفيه الاستاكوزا والجمبري والسيمون فيميه يستاهلوا بقك
انا نزلت رجلي في الميه وقعدت افكر بعمق ادخل لما يلاقوا بيرين بترول بس ولا استني الثالث أضمن
انتهت بحمد الله.....شريف مرسي
ليست هناك تعليقات:
إرسال تعليق