 |
قالت سعاد فودة ربة منزل وأم لثلاثة اطفال إن العلاقة بينها وبين جوزها مش علاقة غالب ومغلوب لأن دي مش معركة ده بيت زوجي يعني مشاركة في كل القرارات المصيرية المتعلقة بالعيلة والكلمة الأخيرة متكونش لطرف واحد فقط بل مشورة بين الطرفين بعدين الأمر مختلف عن زمان لأن الزوجة كانت زمان مهمتها شئون المنزل فقط لكن دلوقتي المرأة تساوت مع الرجل في كل شيء حتي في اتخاذ القرارات لأنها متصلة دائما بالعالم الخارجي من خلال وسائل الإعلام.
وتركنا الاستاذة سعاد وقابلنا مدام حنان مغاوري اللي كان لها رأي تاني وقالت: إن الرجل الشرقي دايما بيتمسك برأيه ومش بيتنازل عن كلمته حتي ولو أدرك أنه مخطئ وده عشان فيه مجموعة من المعتقدات المتوارثة أن الزوجة لازم تقول لجوزها الكلمة كلمتك والشورة شورتك وأن هي مش ليها حق تسجيل المواقف ساعة الشدة.
أما كريمة عبدالسلام الزوجة والأم قالت: أنا اؤمن دايما إن لازم يكون فيها تنازلات عشان الحياة تمشي ويكون فيه تفاهم بين الزوجين وتكون العلاقة حب وتسامح مش صراع ديوك ولازم تكون الزوجة ذكية تحاول تقنع جوزها برأيها بطريقة غير مباشرة ومن غير ما تحسسه إن هي صاحبة القرار.
وأكدت مدام هناء إبراهيم كلام مدام كريمة وقالت أنا جوزي بيستشرني في كل حاجة طبعا بياخد برأيي من غير ما يحسسني أن هو مالوش لازمة في البيت وبالرغم من أني في بعض المواقف بكون غضبانة جدا إلا أني بكبر دماغي ومبعملش من الحبة قبة لأن مفيش إنسان خالي من العيوب.
ومن جانب آخر قالت سارة مغاوري سكرتيرة وأم: انها تعيش في خلاف مستمر مع زوجها حول كلمة مين اللي كلمته لازم تمشي بالرغم من انها تزوجت عن حب إلا أنه بعد الجواز اتغير وبقي عصبي وكلمته هو اللي لازم تمشي وده عشان شوية اصحاب اتلم عليهم وخلوه يتحول فجأة من شخص معتدل وهادئ متفاهم لشخص عصبي وصعب التفاهم معاه عشان خايف انه يبقي زوج شخشيخة.
أما سلوي محمد ربة منزل وأم لطفلين لأ طبعا الشوري شورتنا والكلمة كلمتنا احنا الاتنين مين اللي قال ان الست متعرفش لا تحل ولا تربط بالعكس فشر ما أنا قدامك أهو الكلمة كلمتي وأنا في النهاية وجوزي لا يتجزأ أنه يعارضني لأن ليلته مش هتعدي علي خير وهو كمان ميقدرش يقول حاجة لأنه عارف مقدرتها علي المسك بزمام الأمور مع انه ممكن ساعات يحب يرسم قدام الناس ان كلمته هي اللي بتمشي بس مش مهم مادام هدفه من ده ابعاد عيون العوازل عننا وسبتها وأنا بقول لنفسي: آدي الستات ولا بلاش.
وبعد كده قابلت مدام مروة معوض اللي قالت: أنا بتفق مع جوزي في كل شيء وهو بيديني مساحة من الحرية للمناقشة في وجهات نظرنا إلا في موضوع واحد بس هو موضوع اللبس لأنه دايما بيختلف معايا في الملابس اللي بختارها واللي بحس ان هي ماشية مع الموضة إلا أنه دائما عايزني ألبس ملابس محددة ومغيرهاش بس هو بيكون في حياتنا عموما ديمقراطي وبيسمح لي بالنقاش الطويل معه.
أما عن مدام نادية رفعت اللي كان رأيها عكس مدام مروة فقالت فشر جوزي يقدر ينزللي كلمة في الأرض طبعا لأ ده كان يبقي يومه أسود الكلمة اللي أقولهالازم تمشي حتي ولو هو مش موافق خاصة في الأمور بتاعة نظام البيت وتربية الأولاد.. وعايشين واتعودنا علي كده خلاص وعيالنا كبروا علي ك
ليست هناك تعليقات:
إرسال تعليق